鳳城酒家 (已結業)

老字號酒樓邊度有???老闆帶左我黎尖沙咀鳳城，平時電視都有鳳城既廣告，唔知係咪同一間~?鳳城應該係大呀哥，同全聚德兩個一齊做，都聽聞全聚德出名北京烤鴨!酒樓係地庳，行落去既時候都見到舊式既裝潢，仲有條盤龍柱夠哂古色古香而佢門口仲有個魚池養龜養魚，都係舊一代既酒樓先會有比起一般酒樓，鳳城多左好多北方野，京醬牛肉，雞絲粉皮，北京水餃，紅油炒手，平日酒樓都都好少見!黎酒樓蝦必點! 要試酒樓有冇水準我覺得蝦餃係其中一樣參考咬開蝦夠彈牙，皮有咬口，而且鮮味十足，正!但略兼蒸耐左少少，唔夠漲卜卜燒腩仔正到暈!!!，外皮燒得超脆，食落仲卜卜聱響，肉同脂肪比例均勻，豬肉夠香，食落特別正叉燒酥非常誇張，夾起好易散，因為超多叉燒餡!!!!而且佢酥皮薄，食落真係啖啖肉，加上酥皮同芝麻，食落特別香口鯪魚球我最愛! 但唔係度都炸得好食，呢度既我真係俾十粒星，一上台既時候，遠遠都聞到魚香，流哂口水咬開非常彈牙，魚肉味濃，平時我唔鍾意加蜆介醬食，因為外邊既鯪魚球整得唔好，再加上醬佢既咸香，更顯腥臭但今次都破例，佢既蜆介醬聞得出係靚野配上鯪魚球黎食，魚味更出更鮮甜，但中間夾雜住陣陣咸香~唔鍾意食鹽醃食品既未必接受到西