大壹冰室 (已結業)

是日晚上女友同友人聚餐，唯有一個人食自己。一個人既時候最適合就係尋幽探秘，試D未食過既餐廳！最後決定搵間排長龍既入去試試！坐低拎起張Menu，圖片張張都咁吸引，由於好肚餓，所以就一共揀左紐西蘭A級香草羊扒同埋黑魚子蟹肉燴闊條麵兩個紐西蘭A級香草羊扒一向鐘意少少蘇味既羊腿扒，今次個羊扒幾令，配簡單香草汁唔會蓋過羊本身既味道，而且嫩口無筋，火候岩岩好！蟹肉闊條麵麵條略嫌少少硬，但蟹肉比想像多同埋有口感，仲有少有既黑魚子，味道夠晒特別整體黎講非常滿意，希望下次黎可以試埋個燒羊架同鴨胸啦。備註：睇得出店內裝潢店主落過好多心機，淨係呢份執著就已經加晒分！