影片
更多
2020-10-13
143 瀏覽
西環Dearneighbor cafe☕️呢間係西環巷仔嘅cafe 靜靜地環境幾好 坐係上層地方夠大又坐得舒服 聽聞呢間cafe本來只有老闆一個人打理 但今次去到見到多左一個staff 老闆真係有熱誠 雖然間鋪得兩個人 等待時間可能會長少少 不過你唔會覺得係被人冷落一去到老闆好細心咁介紹當日推介菜式同咖啡 每日都會有唔同嘅daily pasta 可以等老闆介紹 佢野食唔多 但真係貴精不貴多 都控制到食物質素All day breakfast🍳呢份all day breakfast好足料 有腸有菇有蛋有菜有三文魚佢個蛋整得剛剛好 唔會過太生或者太熟 面頭有少少蛋汁另外平時好怕煙三文魚太鹹嘅我 覺得佢整得唔錯 唔會太過鹹而搶過其他野食嘅味道值得一提嘅係相入面嘅牛角包仲係老闆親手整嘅 細細份唔會太飽 外層鬆脆仲帶有一浸蒜香Pasta甘筍菠菜汁意粉🍝呢個配搭食落幾fresh 首先白汁唔會感覺太漏 反而入口有淡淡嘅菠菜味 再加埋芝士粉係面 味道幾夾咖啡方面我地叫左iced mocha & dirty☕️呢到嘅Iced mocha 個人認為咖啡味較重 而佢嘅朱古力味係偏向冇咁甜 可可味比較重 適合鍾
呢間係西環巷仔嘅cafe 靜靜地環境幾好 坐係上層地方夠大又坐得舒服 聽聞呢間cafe本來只有老闆一個人打理 但今次去到見到多左一個staff 老闆真係有熱誠 雖然間鋪得兩個人 等待時間可能會長少少 不過你唔會覺得係被人冷落
一去到老闆好細心咁介紹當日推介菜式同咖啡 每日都會有唔同嘅daily pasta 可以等老闆介紹 佢野食唔多 但真係貴精不貴多 都控制到食物質素
All day breakfast🍳
呢份all day breakfast好足料 有腸有菇有蛋有菜有三文魚
佢個蛋整得剛剛好 唔會過太生或者太熟 面頭有少少蛋汁
另外平時好怕煙三文魚太鹹嘅我 覺得佢整得唔錯 唔會太過鹹而搶過其他野食嘅味道
值得一提嘅係相入面嘅牛角包仲係老闆親手整嘅 細細份唔會太飽 外層鬆脆仲帶有一浸蒜香
Pasta甘筍菠菜汁意粉🍝
呢個配搭食落幾fresh 首先白汁唔會感覺太漏 反而入口有淡淡嘅菠菜味 再加埋芝士粉係面 味道幾夾
咖啡方面我地叫左iced mocha & dirty☕️
呢到嘅Iced mocha 個人認為咖啡味較重 而佢嘅朱古力味係偏向冇咁甜 可可味比較重 適合鍾意可可味嘅人試下
另外聽老闆嘅推薦 都初嘗左dirty（即係espresso撞上凍鮮奶 亦有人話係走冰嘅iced latte）
愛latte嘅我 對呢杯dirty感覺都不錯 首先佢嘅外表望落都已經好靚🤣唔知係咪因為冇冰 飲落口覺得好幼滑 同時咖啡味會慢慢湧出黎 感覺幾特別
唔知係咪因為我地雙十當日去幫襯 人又比較多 臨走前老闆都專登問食物質素點 擔心因為忙而令野食品質同服務變差
雖然當日等候時間比較長啲 但食物質素都keep得到
整體黎講呢到環境同食物都不錯 仲感受到老闆對於cafe嘅熱誠 推薦去西環嘅朋友有機會可以幫襯下！
張貼
