蔦 (已結業)

係香港要食拉麵既話,選擇有好多,而我就慣左每個月都至少試一間拉8既,所以好少會重覆食。呢間'鳥', 我想試好耐,但一直都未有機會,因為佢個關門時間實在太早。好多次想去試先發現已經關左門。最近,終於就岩時間,6點幾就去食個early dinner啦。因為仲未到晚飯時間,所以都唔係好多人排隊。不過店內座位數目有限,都係要等一陣先有位坐。拉麵我都係食豬骨湯多,因為好多時醬油味既都偏鹹。不過'蔦'就係出名醬油 (同埋都無豬骨),一於試下佢啦。打算叫個醬油拉麵,一舊水有找,但原來係無蛋既,唯有加多15蚊要醬油味玉拉麵啦。醬油味玉拉麵 $113一黎到已經聞到黑松露既香味,個湯清清地,心諗應該都唔會太鹹既。飲啖湯先,味道適中,加上有黑松露加持,幾特別,唔錯既。叉燒同(蛋就同平時食個啲差唔多。雖然睇落份量好少,但都飽既 (可能時間尚早既關係,我未係好肚餓)。$113...略嫌貴左些少。不過有機會既話,都會想試埋佢個鹽味拉麵既。