Jacomax (已結業)

想同好姊姊girls’ talk兼歎美食，無意中搵到呢間新開既餐廳，見到環境幾令人心情放鬆，同埋聞到好香既pizza味，所以決定入黎試試。Order左三樣野開心share，首次Rocket salad with blueberry sauce ($102)份量充足，，蕃茄仔好清甜，火箭菜同沙律菜好新鮮，混入巴馬臣芝士調味，豐富左沙律既味道，仲有酸中帶甜既黑醋醬，絕對係醒胃前菜之選。而Carbonara ($110)一睇賣相已feel到白汁有幾濃郁，事實上食落意粉相當creamy，醬汁厚身奶味重，每條意粉都沾到滿滿既醬汁，好啱我呢d白汁迷，而意粉就相當有彈性，軟硬恰到好處。特登揀左呢款同餐廳名一樣既薄餅Jacomax ($160)，估計應該係招牌菜卦！香脆既餅底上面放滿牛肉碎、水牛芝士、番茄、青椒，中間仲有隻半熟蛋，都幾特別喎！薄餅食落好軟熟，食材味道好新鮮，溶化左既芝士好吸引，一塊接一塊實在無難度。