麻辣風雲 (荃碧大廈) (已結業)

抗疫左咁多日，好耐冇同班朋友食好西喇！知道最近開左間新既川菜餐廳係荃灣，終於忍唔住要出動喇！黎到已遠遠見到麻辣風雲四隻大字，相當有霸氣！樓下係食日本野。大家就唔好去錯喇～環境好寬大，跟足1.5m距離，卡位坐得幾舒服，6點左右入座已經有一定人潮，晚市記得早啲到喇～餐牌圖文並茂，出名既川菜都可以嗌到！客人可因應喜好揀小辣、中辣、大辣。辣子雞，第一道川菜出燼，我地嗌左小辣小試牛刀，就咁睇已覺好惹味，色香味俱全。味道香辣唔搶喉，口感啖啖肉食落去好滿足，少食辣既我地都接受到～水煮牛肉，望見一大碗紅油辣椒已覺得有少少興奮，味道香中帶麻，牛肉口感滑溜溜，辣得好過癮！欖菜四季豆粒炒飯，我地嗌多左個炒飯送辣，充滿咸香味，如果四季豆粒更多D就更加好~蒜蓉炒時菜，有朋友驚食太辣太油就叫左個炒時菜。時菜係白菜仔，再加上炸蒜令菜色更香更有睇頭，時菜炒得幾爽，但口感略油，整體不俗。