Life Break (已結業)

今晚入左觀塘食dinner，約左以前同學Leba，佢搬左去觀塘住，同老公在觀塘住，叫我入去食野，話呢間Cafe 食過幾好食，其實我真係唔想入觀塘，由中環放左工走入去食，真係好鬼遠!不過就下佢啦，入到去環境好大，樓底高，有情調。叫左白酒忌廉青口，烤羊架配薯蓉，重有雜菇湯，紅酒牛尾燴意大利飯，三文魚沙律，還有是日甜品，今日係心太軟呀！個羊架幾味道，少少羶，肉汁夠，有香草味道，薯蓉好軟滑，好好食。湯唔係死咸，有濃香菇味呀！個意大利飯好腍，我意生一點，但個紅酒汁，有酒香，有酸有甜咁，配飯好食，牛肥亦夠腍香。白酒忌廉青口也不俗，不過好膩下。最後食埋心太軟，好正，流心朱古力做得不錯。