巨一麵堂 (已結業)

今日佐敦附近出席義工團體開會，先約個朋友於附近食完晚飯先去， 九龍區女生名校DGS後面街，搵到間隱世拉麵店。食店位於街尾轉角位置，和式感覺，入內更覺自己首置身於日本拉麵店。店長好好人，親自介紹了幾款鎮店之寶，我自己選擇了牛舌拉麵配玉子，海鹽湯底，清清哋都唔錯，薄切牛舌十分美味，麵質爽口彈牙。朋友喜歡味噌湯底，叉燒拉麵配玉子，湯底油的份量可以揀小油，感覺冇咁肥膩。因為趕時間未能試其他小吃，下次人多啲有更多選擇。