The FOOD FACTORY (已結業)

今晚收工約左個fd出去食飯，個fd岩岩去完exchange半年，好磚無見啦！佢話係北京exchange淨係得水餃食，今晚要食意粉咁話，我就提議去旺角食西餐啦餐廳唔算太大，但係d椅子全部唔同顏色，幾colourful！我地叫左個二人Set share食，「北海道全蜆忌廉意大利麵」，意粉好al Dante, 夠彈性，意粉醬汁非常鮮甜。佢比起平時嘅忌廉有d唔同，平時嘅都係好鹹，但今次lee個帶有忌廉南瓜湯嗰種甜味，應該係甜椒帶出嘅味道。蜆肉亦非常多，好抵食！「煙三文魚紅醋沙律」，份量相當多，煙三文魚鹹香十足，一啲腥味同雪味都冇。配以爽脆嘅生菜，鮮甜嘅番茄仔，絕對係口感上嘅大滿足。不得不提嘅係個紅醋汁，調教得恰到好處，酸甜度啱啱好，唔會嗆喉，同個沙律配合得宜。推介！「慢煮肉眼扒伴農夫菜」，牛扒外脆內軟，肉嘅表層煎得夠乾身，而內在熟嘅程度剛好，都係medium rare。肉味濃郁，塊扒非常大塊，仲大過我塊面！另外碟上嘅配料都好好食，薯泥同牛肉汁嘅配搭簡直一絕！去左exhange半年既佢，大大力表示讚好呀！