譚仔三哥米線 (粉嶺中心)

營業中

休息中

作為食午餐嘅地方， 譚仔三哥都係好常食嘅一間餐廳，因為容易叫，價錢又唔算太貴，50蚊上落。今次都係叫左雞肉貢丸麻中辣。同沙田廣場果間相比，貢丸比較實所以比較好食。不過米線都係好煮得太耐，唔彈牙。下次試下叫佢唔好煮咁耐先。之前都有幫襯過呢間，當時可能因為新開，所以出菜速度好慢，今次唔知係因為疫情關係定佢地熟手左，出菜速度真係快左好多。飲品就叫左凍奶茶，其實佢地沖凍奶茶嘅水準好唔穩定，所以平時會叫凍檸茶，不過今日食中辣，所以改飲奶茶保護個胃，如果大家想挑戰辣度，都可以叫奶茶飲，咁就無咁傷胃。今次杯凍奶茶就不過不失啦。