第三站

嚟緊去日本，今日特登揀咗間Cafe同朋友仔傾埋行程，網站OpenRice訂枱仲有優惠。我哋叫咗一個晚市套餐，一個套餐就加左38，配左田園沙津&法國朱古力蛋糕，成個感覺更加豐富，有份前菜又有甜品。卡邦尼煙肉雜菌意粉有好多煙肉同埋雜菌，香濃芝士嘅口感，醬汁都好掛意粉，份量都幾多下。黑松露帶子鮮菌燴意大利飯個飯充滿豐富嘅黑松露香氣，配料講真就真係唔算好多，入邊有珍珠帶子粒同埋菌類。特式拼盤入面有洋蔥圈，芝士條，蜜糖雞翼，日式餃子，咖啡角，新鮮香脆熱辣辣即炸。特濃朱古力好有小時候既朱古力味道，濃郁既朱古力加左cream。曲奇奶昔好有雲尼拿既香氣，入口順滑。