一粥麵 (都會駅)

營業中

休息中

難得老公一星期放2日假，前日去左大半日街；今日就乖乖在家休息一下，只係落街食個下午茶就算啦。不過其實樓下都冇乜好食，食店選擇真係唔多，所以最後又係一粥麵啦。本來呢，我想食上次果隻芝麻蜜糖雞翼架；因為真係幾好味。點知已經冇左啦但又發現有好抵食既下午茶餐。因為我又想食銀針粉，又想食碗仔翅，所以最後老公就買晒2款下午茶餐Share食啦。碗仔翅配魚蛋蘿蔔，都幾好食，冇話好似上次隻芝麻雞翼咁會令人想再食囉。同埋今日D野完全唔熱的，感覺又冇咁好。銀針粉配炒麵魚蛋，銀針粉幾好食，但係D料真係少左D，重有就係唔夠熱。炒麵，我鍾意食甜醬食，有甜醬就點都好食架啦下午茶餐只係29蚊一個，真係幾抵。配炒麵都真係幾飽，但如果只係配魚蛋蘿蔔就應該會差D囉。