敏華冰廳 (Mikiki)

營業中

休息中

去血拼前 先要食飽 喺水牌前左諗右諗決定食呢間文華冰廳唔使等就有得入座當時餐廳大概七成滿喺門口已經決定要食佢個黯然銷魂飯因為齋睇相好似幾吸引哈哈友人就食豬排煎蛋飯落咗單 都等咗好耐下先有得食明明唔係好多人 但唔知點解要等咁耐🤷🏿‍♂️終於有得食 份量都算多賣相都幾吸引d叉燒肥肥地閃令令 仲有層蜜汁喺面 雙蛋係半熟嘅一篤穿佢d蛋黃汁流晒出黎正撈匀佢即刻食啖先叉燒好入味 軟硬程度適中口感一流連埋頭抽豉油同蛋黃汁都真係幾黯然銷魂🤣🤣🤣不過 食到最後 可能太多汁同叉燒比較肥有少少膩 建議頭抽可以另上比客自己加 或者加幾條菜伴碟 可以消消滯友人的豬排飯都very good份量十足 豬排勁大塊 兩邊都有煎過 好香口切落去同叉燒一樣 軟硬度適中不過佢比叉燒仲多個口感就係好鬆化 啖啖肉之餘 唔係實的的而且佢唔乾 好juicy 真心有驚喜😍兩個飯加埋一百蚊有找(我地無叫野飲)圓滿的一餐 食飽飽 出發血拼 💪🏿