城大食坊

營業中

休息中

今日又去城大食lunch ,諗唔到食咩，又揀咗個焗豬扒飯食。咁抵食依家真係得大學入邊先可以食到$21嘅焗飯，唔包飲品。蕃茄焗豬扒飯個份量都幾大，豬扒有三塊，係薄切個種，今次嘅豬扒比想像中軟熟，上次都係食焗豬，但豬扒係堅硬兼且鞋口，雖然無乜豬扒味道，但係咁嘅價錢，都可以接受。飯底係炒飯，飯粒偏硬，分量真係唔少，起碼有成兩大碗飯，食到一半嘅時候都已經飽，番茄汁甜酸剛好，醬汁有蕃茄洋蔥同西芹，味道也可接受。