阿元來了 (已搬遷) 新店位置

經過上次食咗呢個肉羹飯，非常之好味之後呢。念念不忘，就好想試吓其他食物。今日放工就揸車去嗰度買外賣啦。又係一大條人龍。今次終於叫咗傳說中嘅魯肉飯。老實講我平日係盡量唔食豬肉嘅。咁大家都明知魯肉飯，亦即係肥豬肉飯。我見係佢就破戒啦。其實就真係好肥膩下嘅。不過咁講，佢嘅肥肉同瘦肉都尚算均勻。味道都唔錯，唔會過鹹。不過佢嗰片黃蘿蔔真係唔係好知做乜囉。 略嫌汁唔夠多，所以都唔算係好好味嗰隻。跟住左呢個涼拌小菜，其實真係唔知佢係乜嘢野黎嘅。所以單體個名呢估唔到係乜，咁又試吓囉。但係出乎意料又幾好味喎。辣辣地幾刺激食慾嘅，不過略嫌都有啲多油，所以都係肥膩架啦。之後呢個炸油魷魚，都係新鮮炸起嘅。味道都唔錯，幾得意啲咋粉好煙韌。魷魚肉呢一般般啦。如果比較中式酒樓嘅椒鹽魷魚來講，略嫌肉有啲唔夠新鮮，同埋多粉咗啲啦。最後黎個鹽燒雞，其實都幾唔錯，如果係店入邊新鮮食，應該會更好。因為佢炸得香得來呢，裏面嘅肉仍然係有水份。（如上圖）所以呢個都幾推介，而且份量都幾多下。都有成十粒左右個喎。整體來講，其實呢間野呢都唔錯嘅。不過個魯肉飯的確係有啲失望。個肉羹飯會比較出色啲。如果要食佢嘅炸嘢呢，都係即場食好啲。因為外