Pho Metro (已結業)

我上次食完之後對佢嘅湯底念念不忘，於是今次決定帶埋我呢個嘴刁嘅小女女去。今次我叫了一碗生牛肉河好正啊！一飲個湯底啲感覺就返晒黎，佢啲芽菜香草同青檸係分開嘅，飲咗幾啖湯食咗幾啖粉之後，再加啲青檸我湯嘅味道又唔同咗好fresh，分量亦唔少，我分咗兩碗細碗俾我女食，一向唔係好食粉面嘅佢竟然話好好味，我叫佢試吓個湯底佢話好正！咁樣一食之下，下次真係可以帶埋佢啲小學同學一齊去食，小朋友都大愛😍另外介紹我哋坐咗係個位隔離有部機種菜嘅，坐坐下突然啲led燈會著，佢種咗好多番茄仔生菜香草辣椒等等，好特別啊！