影片
更多
2017-11-09
1208 瀏覽
天氣涼涼地，食燒肉或火鍋就最啱。呢個舖位以前係漢陽苑，估唔到而家都係做返韓燒，全新裝修，佔據一層，坐位幾寛敞!夜晚平日係$188，假日$198，無限時。韓烤少有咁多醬料︰飲品選擇都算多，冷熱隨意，連少見嘅蘋果醋都有。有韓國餐廳必有嘅韓式前菜︰有其他餐前小食，咖哩蟹都有。人蔘雞湯冇乜蔘味，稍為咸咗啲!亦有壽司、東風螺、青口、龍蝦沙律等等。東風螺鮮甜，我本身又鍾意食，食左好多。壽司一般，不過嚟食韓烤，有壽司係Bonus啫~見咁大隻龍蝦頭蝦尾擺盤，好有氣勢，以為係龍蝦沙律，原來冇龍蝦肉，只係普通雜果沙律，但係幾好食，仲有新鮮蘋果粒。我最鍾意係三文魚，都好大塊，夠肥美，一出就好快冇晒，但長期有REFILL，唔錯!韓燒食物擺放得井井有條，亦有清楚標示。店員經常清理各食物區，都幾乾淨，唔會見到有咩污漬同殘渣。最鍾意係蝦，大隻，蝦身晶瑩通透，冇黑頭。燒完係鮮橙色，蝦肉好爽口。咁靚嘅蝦，仲要任食，係回本之選。今晚主要都係肉肉肉，食肉獸之夜~鴨胸厚切大大件!雞翼都好肥大，但冇標示係咩味道，亦食唔出係咩味道，總之燒完仲皮脆肉嫩，正!餐肉顏色同平時食開嗰啲唔太同，深色啲，食落又一樣味。多春魚 - 朋友怕腥又
夜晚平日係$188，假日$198，無限時。
韓烤少有咁多醬料︰
飲品選擇都算多，冷熱隨意，連少見嘅蘋果醋都有。
有韓國餐廳必有嘅韓式前菜︰
有其他餐前小食，咖哩蟹都有。
人蔘雞湯冇乜蔘味，稍為咸咗啲!
亦有壽司、東風螺、青口、龍蝦沙律等等。東風螺鮮甜，我本身又鍾意食，食左好多。
壽司一般，不過嚟食韓烤，有壽司係Bonus啫~見咁大隻龍蝦頭蝦尾擺盤，好有氣勢，以為係龍蝦沙律，原來冇龍蝦肉，只係普通雜果沙律，但係幾好食，仲有新鮮蘋果粒。
我最鍾意係三文魚，都好大塊，夠肥美，一出就好快冇晒，但長期有REFILL，唔錯!
韓燒食物擺放得井井有條，亦有清楚標示。店員經常清理各食物區，都幾乾淨，唔會見到有咩污漬同殘渣。
最鍾意係蝦，大隻，蝦身晶瑩通透，冇黑頭。燒完係鮮橙色，蝦肉好爽口。咁靚嘅蝦，仲要任食，係回本之選。
今晚主要都係肉肉肉，食肉獸之夜~
鴨胸厚切大大件!
雞翼都好肥大，但冇標示係咩味道，亦食唔出係咩味道，總之燒完仲皮脆肉嫩，正!
餐肉顏色同平時食開嗰啲唔太同，深色啲，食落又一樣味。
多春魚 - 朋友怕腥又怕多骨，但我自己就好鍾意食，可惜我唔係好識燒，搞到易燶又易散。
芝士腸係我個人推介，皮脆，入面好多芝士，燒完之後一咬就流晒芝士汁，我覺得比出面啲好食喎。不過小心燙喉，啲芝士汁係好高溫。
好耐冇食過維記雪糕，竟然有曲奇味，同哈記差唔多。
一開始見到部棉花糖機有三隻色砂糖時心中暗爽，終於有機會自製「棉花糖花」。
不過我技術欠佳，最後整到成條魷魚咁，哈哈，我真係太天真。
甜品同水果都有供應，最好食係桂花糕，清香清甜又夠濃，細細杯食多幾杯都唔怕膩；椰汁西米糕椰汁味香；青提香檳，味道一般；椰汁凍奶味道就淡咗啲。
整體都OK，百幾二百蚊任食冇限時，可以慢慢食。抽風好好，燒完個身冇乜油煙味。店員有禮貌，態度好，手腳俐落，臨走時幾個店員都有同我地講再見，叫我地下次再嚟!
張貼
