影片
更多
2008-04-07
9 瀏覽
自己鐘意食朱古力，又鐘意食甜品，見佢個下午茶自助餐主題做朱古力（睇番D食評，原來佢以前都有做），就好想試，卒之約齊幾個老友趁做到3月尾走去試，果然無失望，絕大部份甜品都用朱古力做主角，唔似有D酒店話就話用朱古力，但十幾款只得三幾款係！今次萬麗嘅甜品，大概有12、13款，都9乘係有用朱古力做材料。Tea Buffet係大堂嘅lobby lounge度做，座位幾舒服，全部梳化椅，但D枱就矮身D，食起嘢上哩就無咁就手！同埋佢個Tea Buffet都係輕食多，環境所限，無咩即製粉麵檔之類，得8個熱盤咁大把，其中有一個炒麵，一個炒飯，用哩俾D大胃至飽吓肚啦！其他嘅熱盤都係D炸魚手指、春卷、炒青口……等等。總括哩講，各類佞食物嘅水準都OK，好似有款海鮮沙律，有蝦，有魷魚仔，幾醒胃幾清新；又好似D細細件嘅法包三文治，有燒牛肉，薄片刨芝士，都幾好食！原本都有個驚喜，就係即做梳乎厘，細細杯，點咗之後整好師傅會送到你個位，可惜，前後試咗2次都食唔到梳乎厘個種輕盈感，少少實，唔係好得！至於去到個Buffet主題，朱古力甜品，就真係無失望，花款多之餘，味道，質感，賣相都好好！例如個朱古力拿破崙，用朱古力慕絲代
Tea Buffet係大堂嘅lobby lounge度做，座位幾舒服，全部梳化椅，但D枱就矮身D，食起嘢上哩就無咁就手！同埋佢個Tea Buffet都係輕食多，環境所限，無咩即製粉麵檔之類，得8個熱盤咁大把，其中有一個炒麵，一個炒飯，用哩俾D大胃至飽吓肚啦！其他嘅熱盤都係D炸魚手指、春卷、炒青口……等等。總括哩講，各類佞食物嘅水準都OK，好似有款海鮮沙律，有蝦，有魷魚仔，幾醒胃幾清新；又好似D細細件嘅法包三文治，有燒牛肉，薄片刨芝士，都幾好食！原本都有個驚喜，就係即做梳乎厘，細細杯，點咗之後整好師傅會送到你個位，可惜，前後試咗2次都食唔到梳乎厘個種輕盈感，少少實，唔係好得！
至於去到個Buffet主題，朱古力甜品，就真係無失望，花款多之餘，味道，質感，賣相都好好！例如個朱古力拿破崙，用朱古力慕絲代替吉士忌廉，而酥皮又夠脆口，凍凍哋，好正；另一款朱古力咖啡燉J ，咖啡味燉蛋幾得意，面層鋪咗一層薄朱古力漿，細細杯，精緻得哩又好食；仲有一款幾欣賞，熱情果朱古力杯，用酒杯仔係底裝住D芒果蓉，再唧一層朱古力慕絲，最後再淋D熱情果漿，甜甜酸酸好過癮！
張貼
