炑八韓烤 (已結業)

朋友係食肉獸，次次都要食肉、肉、肉，今日又韓燒！鍾意黎炑八食，因為覺得佢啲牛好有牛味、好香。件牛肋骨啲脂肪，yummy叫到成枱都係野食，朋友梗開心，咁多肉。我自己最欣賞係個沙律，酸酸地，好開胃好醒神，次次都會食晒。蛋漿同芝士都係免費refill，正！但泡菜蛋太辣，refill時要淨蛋走泡菜，仍然好味。店員個個都好忙，叫佢地都唔係次次應你。又見到個四眼經理，你唔係大客，唔叫海鮮都唔會理你。上次隔黎枱大客，係咁sell人海鮮，又叫人入會，連吹水連落單連送野食，全程三十分鐘黐住嗰張枱，完全冇理過其他客。其實咁多人都點評呢個經理，點解公司唔去了解下情況？！唔係貪就腳，一般我都係去炑八其他分店食，唔駛睇人面色！！