寶哥火鍋味館 (已結業)

天氣開始涼又係打邊爐嘅時候喇，朋友嚟過呢間寶哥火鍋覺得好抵，所以帶我過嚟試吓，開頭以為任食都抱着唔會有乜特別嘅心態，見到張點菜紙都仲以為係一般貨色，但食過先知原來任食都可以咁高質。點完湯底但食咩都未點好，餐廳已經快手首先送來一碟刺身，入面仲有出名貴價嘅象拔蚌，雖然份量唔多不過食落真係好鮮甜，爽口又彈牙，又鮮味，絕對新鮮，超正啊。任食紙內都會有牛肉，但係呢一碟就係送嘅頂級肥牛，非常有牛肉味，好濃郁，好好好味。仲有仲有，仲有一大碟海鮮，鮮蝦爽口彈牙，花甲好大隻，勁鮮甜，鮑魚、蠔、聖子全部好新鮮，雖然海鮮唔係任食，但質素勁高。仲有手打丸包括蝦丸、墨魚丸、牛肉，雖然都係一次性，但粒粒都超彈牙，手打真係唔同d，3款都好好味唔記得左講個湯底，我地點左個沙魚骨湯底，好入味仲好重膠質，感覺好補身，忍唔住飲左一碗先用來打邊爐。終於講返任食部分，推介脆肉鯇腩，真係脆身多肉，好好味，必食啊。菜類、響鈴、魚皮都係任點任食牛肉亦無限任點，而家牛肉咁貴真係食2碟已經回本，滾1分鐘剛剛好，肉質鮮嫩有牛味，牛魔王絕對可以ko十碟八碟。汽水啤酒任飲，最正係竹䉀茅根水同酸梅湯可以成壺拎埋枱飲，哈，太豪爽啦，我鐘意。