金記冰室 (已結業)

今個星期，我哋冇去過西環食飯，本來諗住去西環食點心，點知間點心鋪太多人，所以我哋決定又係金記。同之前一樣都係叫午市套餐。太少依然鍾情青蔥豬扒飯，而我今次叫咗瑤柱肉碎蒸滑蛋飯。同平時一樣，餐湯係羅宋湯。上次大少話佢哋咖啡唔錯，所以我決定跟大少一樣飲咖啡。d豬扒仍然係兩塊大大塊，旁邊亦鋪左好多青蔥，白飯加咗色。我個蒸滑蛋飯亦都唔差。雖然個蒸蛋上面有少少水泡，但對我來講已經夠滑。個蒸蛋亦都會好足料，啖啖食到乾瑤柱。個咖啡真係唔錯，味道似係用西式大咖啡幾沖,而唔係港式咖啡。大少同我已經2月內食咗三次金記，但係我哋依然覺得好食，翻兜機會甚高。