影片
更多
2019-08-15
1165 瀏覽
次次去大戶屋我都叫銀鱈魚西京燒定食😂每次都想試下新嘢但每次最後都係揀返銀鱈魚...比起大戶屋其他定食，銀鱈魚嘅價錢貴d，要$158，如果要賺特別飯（例如海藻，魚仔....）就要加多$10。有三舊魚（如果大舊嘅就可能會得兩舊）：今次食，覺得個皮俾之前食冇咁脆，但個味道冇變，一樣有銀鱈魚嘅甘甜，同西京燒應有嘅醬油味。覺得醬油味比較淡，但更加凸顯到魚本身嘅甘甜味。魚嘅油脂非常足夠，好香，如果唔鍾意呢種油香嘅人可以配蘿蔔茸一齊食，減輕油膩感。但個人覺得d油分係成件事嘅精萃，冇咗d油會令個魚失色不少。蒸蛋無敵滑，入面有雞肉同菇，不夠份量好似俾已經細咗（我記得之前食個蒸蛋大份d，今次食兩啖就冇嗮咁）唔夠侯叫多個甜品食！綠茶雪糕嘅綠茶味好特出，一d都唔假，亦唔會一味得個甜字。杯下面有少少蛋糕仔，配合雪糕同上面其他toppings一齊食，非常滿足！唯獨個蕨餅我覺得可以切細舊d，一開二，變四舊，會容易d食。（純粹個人喜好）
有三舊魚（如果大舊嘅就可能會得兩舊）：
今次食，覺得個皮俾之前食冇咁脆，但個味道冇變，一樣有銀鱈魚嘅甘甜，同西京燒應有嘅醬油味。覺得醬油味比較淡，但更加凸顯到魚本身嘅甘甜味。魚嘅油脂非常足夠，好香，如果唔鍾意呢種油香嘅人可以配蘿蔔茸一齊食，減輕油膩感。但個人覺得d油分係成件事嘅精萃，冇咗d油會令個魚失色不少。
蒸蛋無敵滑，入面有雞肉同菇，不夠份量好似俾已經細咗（我記得之前食個蒸蛋大份d，今次食兩啖就冇嗮咁）
唔夠侯叫多個甜品食！綠茶雪糕嘅綠茶味好特出，一d都唔假，亦唔會一味得個甜字。杯下面有少少蛋糕仔，配合雪糕同上面其他toppings一齊食，非常滿足！唯獨個蕨餅我覺得可以切細舊d，一開二，變四舊，會容易d食。（純粹個人喜好）
張貼
