酷廚 (已結業)

之前已經黎過一次，對於食物同員工質素都印象好好，今次又過黎呢邊同朋友食飯，發覺佢轉左新餐牌呢！ 睇落比之前更加吸引，仲新出左依家最hit我至愛的奶蓋飲品tim呀！我地都係一人一份share食~炸魚薯條~ 唔係太肚餓，所以揀左呢份香口小食~ 呢度d薯條炸得好酥脆，超好味！令我有衝動想叫多份炸薯條呀！ 至於靈魂炸魚，毫不吝嗇地有三大件，啖啖魚柳肉，沾上他他醬，prefect match !日本和牛芝士漢堡~ 黑白芝麻包好香，沾左黑松露醬的蘑菇，半溶香濃芝士，和牛漢堡都幾juicy ~ 薯條一樣香脆，唯一美中不足係麵包不夠熱，但整體都好好食~芝士奶蓋朱古力~ 奶蓋迷一定不能錯過！相比出面好多台式飲品，呢度做得非常出色！奶蓋份量多，朱古力又濃滑！超正啊！😍