茶水站小食

營業中

休息中

今日由於又要到大角咀辦理私人事務，所以一到辦妥哂所有公事之後，唔使講就梗係要去醫肚啦，所以我又係去番茶水站食lunch，今日我就食咗另一個飯餐，咖喱豬扒腸仔蛋飯+凍奶茶，味道當然同上次係一樣咁好味，同樣又係要再加辣椒油，增添刺激度，煎蛋係荷包蛋，豬扒兩細塊，但係煎得好味白飯嘅份量感覺比上一次嚟食嗰陣時多咗D用D咖喱汁嚟撈飯食真係幾正，除咗咖喱汁外，仲有粟米汁及豉油汁可供選擇，不過我都係比較鍾意咖喱汁多D，奶茶方面~唔知係咪阿姐唔記得落糖水，定係落糖水嘅份量太少，飲落真係好淡，後尾要叫阿姐加番D糖水，老闆娘態度良好，埋單嗰陣時會同客人講多謝哂，今晚今日咁嘅服務態度絕對足夠