極尚大喜屋 (加連威老道) (已結業)

好耐都無食過放題啦，掛住任點任食既日子😂食放題，其中一樣必交叫菜式-刺身。呢間餐廳好意外竟然有得食長腳蟹蟹腳，叫左幾舊黎食下，睇到自己整到完全既蟹肉，就覺得好成功感😎，都幾多肉下。黑松露帶子沙律，呢個好適合做前菜，雖然有黑松露味，但係唔會掩蓋鮮帶子嘅鮮味，再加上新鮮菜，覺得好fresh。燒魚干，呢個係我需要encore 既嘢食，真係超好食。不過一定要趁熱食，如果唔係會變得好硬，所以一定要把握時間😂燒帆立貝，落左沙律醬一齊去燒，酸酸甜甜，好開胃。呢種味道相對比較豐富，唔會過於單調。西芹炒帶子，都幾野味架，不過如果帶子有多幾舊就更好😂幸好西芹我都鍾意食，成碟都食晒。咖喱炒蟹，辣度啱啱好，啱我鍾意食辣又食唔到好辣既人😂有大大蟹鉗，不過需要有牙力先可以食到。其實都叫左好多嘢食，有啲都未影相已經食左落肚😂今次食得好飽，好難得一次放題。