上海姥姥 (翡翠明珠廣場)

營業中

休息中

lunch諗唔到食咩，見又係蟹粉時節就入左黎。之前食過晚市好多人，午市無咩人舒服好多。不過d位都係偏逼、兩個人嗌3樣野基本上已經無位放。嗌左：蟹粉扒素鵝（$108）、滬式蔥油雞（$79）、醬炸拌麵配杞子雞湯（$58）、酒釀湯圓（$34）。蟹粉夠多、素鵝夠脆蔥油雞個油既份量岩岩好，唔會太膩，雞都夠滑嫩，不過唔夠之前係呢度食過既醉雞好食。撈麵不過不失，但最讚係個杞子雞湯，非常鮮！酒釀湯圓都唔會太甜、飯後食岩岩好。雖然枱細，但服務好好，成日未飲完茶就黎加茶、收碟又快。