大記攦粉糕點專門店 (已搬遷) 新店位置

我同同事專程去試架，因為我地講左好耐都未食過~佢既地點都唔易搵，可能太熱我冇心機記路~一去到，入去搵位坐時，人數都唔算多，冷氣都ok~我地岩岩坐低，佢已經問我地食乜野，寫左單後，我地都等左一陣先有野食~但我地碗粉，佢放o係檯邊，似係路過放低咁，係幾秒既事，有欠禮貌~墨魚卷攦粉($25)︰個卷ok，真係熱既，食落唔似翻炸，碗粉都算大碗~ 攦粉食落去有d似「淋」左既米線，滑滑既~ 佢似米線咁有芽菜o係面~ 加埋辣椒醬就好正！鮮奶椰汁糕($4)︰好滑，好香既椰味，我鍾意！芝麻糕($4)︰都係滑，呢個個味濃d，所以放o係鮮奶椰汁糕之後食係正確既！為左呢兩款糕，我會再去的~