丸十寿司日本食堂

營業中

休息中

去親朗豪坊行街都心思思想去食呢間日本餐廳，有多款壽司、刺身、串燒、天婦羅等。呢間餐廳連米嘅新鮮度都有考究，特地添置精米機，每日都會現場精米，所以我嚟呢度一定會食佢嘅壽司，每粒米飯都充滿米香。今次帶埋小朋友去，仲叫咗啲非魚生類嘅壽司，玉子、牛油果、野菜等，啱哂唔食生冷野嘅朋友，整體壽司款式都幾多，一定揀到啱心水嘅！同埋佢哋嘅串燒都唔錯，燒到微微帶焦就最惹味，燒雞翼同牛舌都推介呀！燒到好香口，唔使點醬汁已經好夠味，而且又唔會燒到過份乾身，控制得啱啱好。