日本野 (已結業)

呢間成日都幫襯🤭 因為整體食物質素高, 份量又多, 性價比高, 所以好值得再訪！餐廳裝修走日式簡約木系風格, 更設有卡位, 用餐環境舒適～ 日本菜式選擇多, 有招牌石燒牛、丼飯、刺身、壽司🍣、沙律等等, 點晚市套餐仲可以追加小食𓌈˒˒ 🍚自選丼飯 - 刺身揀咗三文魚、甜蝦、油甘魚、三文魚籽, 另外會附送湯/沙律、飲品。款款刺身都好新鮮～🍣精選壽司拼盤 - 有蔥吞拿魚蓉、甜蝦、章紅魚、左口魚、三文魚籽、油甘魚。蔥吞拿魚蓉入口鮮美綿滑; 左口魚邊好肥厚, 口感滑嫩, 充滿魚油香; 油甘魚夠鮮甜🍣火炙三文魚壽司 - 一客有2件, 三文魚輕輕炙燒過, 被火炙過嘅三文魚迫出魚油, 好鮮嫩, 上面有沙律醬增添味道🥗和風炒野菜 - 食落有日式醬油香氣, 椰菜清甜又爽脆, 充滿和式風味～