鐵魚川式食堂 (已結業)

我一向係依間鐵魚烤魚專門店既fans, 佢地既烤魚同湯底川味十足，而其他既配料，例如丸類同肉都十分高水準，今次帶埋我一個由廣州來香港旅遊既朋友試下，果然無令人失望。陪我個朋友行左陣time square就出發，行左5mins，位置十分方便。我地好早到左，人唔算好多。佢menu上有分金，銀，銅魚套餐，分別係唔同既用餐時間同任叫既食材。因為我地有啲趕時間，所以淨係叫個左銅食，如果大家時間充裕可以試埋銀同金魚，佢啲海鮮同安格斯牛都好新鮮。我地揀左麻辣烤魚味道既福壽魚，店員話諗魚味較濃。黎到既時候，好大陣麻香味，魚味都好出。到配料，我地揀左牛舌，水柏葉，豬肉片同沙律蟹籽丸。牛舌好重牛味，唔so。水柏葉超級爽。到個蟹籽丸真係有驚豔到我地，唔同普通丸有雪味，食落有啲似wasabi蟹籽，十分推介依款丸。總結黎講魚味好出，湯底麻香而不太辣，配料好新鮮同有驚喜，一定會叫多啲朋友去試，哈哈。