和味館 (已結業)

經過見到原來新開兩個月到，今晚有幸同老公去食晚飯，兩個人不能多選擇，佢想食回窩肉，我想食蒜香骨，實在大多小菜選擇，新裝修環境讓人坐得舒適，而且乾淨企理服務員亦好好服務，不用叫也會自動幫我地換骨碟，可能新開無爆場所有有點寧靜，不過遲些必會多人，因為食到熱辣辣上枱小菜，如果多人亦好適合好多大枱供應的。因為位置好方便我地，下次附近睇完戲多個選擇！ 廳四圍都可睇到電視，啱晒我地平時無時間睇電視嘅人，可以一路食一路嘆。欖菜肉鬆四季豆 $48熱辣辣出晒煙，份量大，食落有鑊氣調味適中，欖菜嘅鹹香好出色，加肉碎同鬆軟四季豆同炒超惹味。蒜香骨 好味指數**** (最高*****) $78超吸金黃香脆但仍保留肉的水份唔會過乾，味道醃得夠味，再用上蒜粒做到唔辣避風塘的做法煮理，非常惹味，如果送酒應該更佳川辣回鍋肉 $68啱晒我老公口味，香辣五花肉炒得爽脆，睇落帶肥但食落一點也不膩，紅綠尖椒顏色亮麗但都幾辣的，不過一齊同食辣又好爽下。燒腩仔 $48選用左五層肉醃得鹹香但可能過左一段時間，唔夠脆皮但還味道可以的。白飯點少得呢 d餸咁好送飯！ 價錢合理街坊價 兩公婆食左3百零蚊也可以接受。影左Menu比大家參考。