金田家 (已結業)

近排天氣凍凍地，有啲想食熱辣辣嘅拉麵， 就嚟到有九州第一拉麵美譽嘅金田家。 之前已經試過紅磡分店，今次就去試喺荃新天地1期， 裝修行簡約日式風，十分光猛，比紅磡分店大很多！黑豚拉麵 ($98)可以揀拉麵嘅軟硬度， 而我就揀咗普通硬度。 幼身麵條夠彈牙，配合濃厚既豬骨湯底。黑豚叉燒圍滿碗邊，份量頗足，賣相好有睇頭。 叉燒片肥瘦適中， 用醬料醃得十分入味，香得黎亦唔會太油膩。 拉麵配有大量新鮮木耳絲， 入口爽口， 與拉麵十分之夾。 追加的溏心蛋， 半熟半流心嘅蛋黄香濃， 入口即溶， 十份滋味😋😋炸軟殼蟹 ($46)原隻炸蟹上碟，對半切開， 配埋蔬菜沙律， 賣相好吸引。粉漿夠薄身，炸得夠香口。波子汽水 ($25)叫左細個成日飲的波子汽水，緬懷一番。 另外仲有幾多飲品可以選擇，可以揀日本梅酒同埋果酒。