抖蛋馬來西亞古早味蛋糕 (啟德) (已結業)

再食古早cake，上次買完去frd新屋後，大家都覺得ok。咁我放工又買上去做飯後甜品同stay off做早餐，哈哈！上次小貝好好食，今次再買！佢今次係一盒兩味，好貼心。紫菜肉鬆小貝又咸又甜，必翻食！外層肉鬆，中層古早蛋糕內層似是沙律醬！天然味道，紫菜咸咸加上肉鬆口感！大大粒，一開二每人一半食！有棉花糖mix糯米糍既風格！蟹黃肉鬆小貝咸味比紫菜款重，濃味主義者應會更愛！中間有沙律醬調整左，就無咸到過份，反而提鬆軟咁。爆醬芝士古早味蛋糕 雖然前面兩個人都係買原味，但我想食芝士多喔！因為叮返落微波爐食會有拉絲好好味，凍食似少少雪條，所以都係芝士啦！濃蛋味配咸咸香香芝士，蛋糕軟綿綿，加熱有d似軟綿既疏乎厘！