重慶川味 (已結業)

今日又同同事試下新野, 就試下呢度啦! 呢度可以自由配搭, 我就叫左肥牛, 通菜同芝士腸, 之前幾次去親邊度都咁岩話無沙爹牛, 今日終於食到了! 餐廳闊落, 坐得尚算舒服, 我地坐左係卡位黎了! 個賣相唔錯呀, 好大碗! 沙爹香味惹味撲鼻!黎個CLOSE UP, 牛肉仲好香好鮮味, 爽口嫩滑, 好味呀! D菜都好新鮮, 翠綠爽脆, 個薯粉食落煙靭, 口感似好粗既粉絲, 芝士腸就一般, 不過整體上好味呀! 會再黎幫襯架!