風雲丸 (已結業)

今日去灣仔做野，又到lunch,原來這邊亦有風雲丸，便入座了。麵店裝潢簡潔亦有日本風。我們點了兩個標榜超濃厚的豚骨魚介沾麵。有炙燒叉燒和溏心蛋麵量可免費加至300克或400克，大食嘅朋友都唔洗驚食唔飽。麵汁超濃，帶點喊鮮味，掛於小麥麵上，挺不錯。麵條不算幼亦不算粗，軟硬適中，富有口感。溏心蛋原隻上，咬開蛋黃流心，非常有蛋香。另叫了一款小食，炸雞即叫即炸，熱辣辣，非常脆口。入面的雞肉嫩滑，肉汁豐富，可以一試。