太爺雞 (已結業)

轉左去觀塘區返工之後，最大好處就係lunch多左好多選擇。🤩—第一日返工，同事就話去食呢間「太爺雞」。睇個名，藍妹諗佢應該都係雞出名（？）🤔—藍妹冇仔細睇menu，求其揀左樣就算。後來見到好多同事都叫「太爺雞飯」，先知佢原來有自己出名既雞飯，不過算啦，錯過左。🤐咸魚雞粒炒飯熱辣辣上枱，肚餓既時候覺得特別香。整體味道幾好既，不過飯粒略嫌炒得唔夠乾身。咸魚味就好夠啦，不過雞就冇味既，變相成個飯變到好怪，好似又咸又淡咁。😣—見同事啲太爺雞好似冇乜特別，只係普通既豉油雞咁。有機會可以試一次睇下好冇食，暫時藍妹感覺呢間野唔係特別值得回頭。🤨