霞飛點心拉麵 (已結業)

今日午餐於K11的霞飛, 一行5人, 好彩有訂坐, 如果唔係都唔知幾時先有得食。食物：醉雞：份量少, 味道ok。小籠包 x 2：皮薄….餡唔特別靚。熱騰騰食就ok…一凍咗就唔好食。友人勁推介小籠包…但我又唔覺得好好好食……出面都有食店有呢個水準。心太軟：其實可能係甜品。好似係一d棗類的皮, 包住d甜糯米。各友人都覺得好食, 我個人就麻麻地like。 海哲頭：ok, 不過有d偏硬。擔擔麵：份量都幾多, 味道幾好, 湯亦濃郁。松子魚 + 菜 (套餐)：松子魚炸得香口, 加上酸汁, 好醒胃。菜就一般, 個outlook唔係咁好。service 一般, 可能因為我地入咗廳坐, 所以無咩侍應理我地。食物 ok。環境, 都坐得幾舒適。