冬蔭公公 (已結業)

好想食泰國野，見呢間都幾多人幫襯，就試下囉！雜錦拼盤：呢個幾驚喜，有蝦餅，燒蝦，串燒，泰式鳳爪，燒豬頸肉。所有都即整，夠熱。蝦餅幾足料，唔係得個粉字。 燒蝦幾大隻，新鮮。 串燒幾juicy。 泰式鳳爪夠入味。豬頸肉配埋個醬汁，幾惹味。海南雞飯，呢個很一般，唔係好有雞味，飯也不是油飯，係幾個醬汁搭夠。冬蔭公豬扒湯粉，冬蔭公湯味道尚可，不算很突出。份量頗大，一個男生吃了也夠飽。總括而言，呢餐都算唔錯，可以再幫襯！