輝記車仔麵

營業中

休息中

上次睇到食評, 嚟拜會過輝哥, 但係上次就唔知點解, 唔可以開枱係路邊,只可以係鋪內進食, 但係客人太多, 天氣又凍, 個個著住大褸, 攪到D人攞住碗麵企係街度食.今次同女友行開油麻地唔知食乜好, 就嚟拜會輝哥.今次叫咗三餸, 豬紅+雞腸+牛腩 河粉,豬紅 : 好似滑豆腐咁, 同平時係其他地方食到嘅唔同, 鍾意食豬紅嘅朋友一定要嚟試吓.雞腸 : 爽脆, 正 !! 牛腩 : 食到舊式嘅炆牛腩. 如果可以炆埋牛根就正啦 !!河粉 : 唯一要彈嘅一環, 河粉質地太粗厚.另外就係價錢抵, 大大碗, 大男人食一碗都夠飽.