狀元香台北滷味專門店 (已結業)

吉豬島熟食檔有新店喎... 狀元香... 好架勢堂的名字...滷水專門店, 滷水由台北飛機直送... 即點即滷的熱辣辣台灣美食... 幾吸引喎...再行埋少少, 見到玻璃櫃內擺滿了林林總總的滷味, 唔係講笑, 有成32款滷味咁多... 心多多的人又開始失控了... 唔該... 我想要呢個呢個呢個呢個呢個呢個同埋果個...埋單時一聽到銀碼有點冒汗... $87!!! 嘩!!! 我頭先做過咩呀?!!熟食檔有進步, 可以直接以八達通付款, 付款後職員即時翻熱已購的滷味, 唔使再行出收銀排長龍付款...等候期間, 無所事事, 看著滾熱辣的滷水不斷翻騰, 煙霧迷漫...原來有Pre-pack好的放在架上, 價錢已計好, 如果唔係好似我咁樣樣都想試, 可以考慮一下, 唔使好似我咁揀到口水乾, 仲要失晒預算...翻熱後以紙盒盛載, 再用膠紙封面(台底奶茶果種), 都幾企理, 唔使驚回家途中滷水流到週圍都係...鵝翼 $22/100g-- 鵝翼斬件後, 骨頭太薄, 好碎, 好尖好危險, 吃時真係要格外留神...滷蛋 $8/2隻-- 好味, 好入味, 微微的蛋香, 不錯...滷蘿蔔 $8/份-- 切成粒