影片
更多
2010-01-11
48 瀏覽
以前去深水埗都係去黃金，但自從去年發掘了多樣美食，而家時常喺依一區蒲頭搵食。今次又試到深水埗試新野︰容記小菜王。雖然成條街有幾個舖位，但星期六晚全部滿座，好彩七個人等左大約五分鐘就有位了。唻之前已經大概決定左要啲咩，再臨時加多幾樣，叫下叫下叫左八個餸。期等已久的燒肉先上，睇落去真係好靚仔呢。咬落去更不得了︰個皮很香脆，肉就非常鬆化，而且肥瘦適中，一啲唔會覺得太肥太漏。燒肉係微暖的，而且淋了鼓油，感覺好似煮過咁，比一般的燒肉不同，一點兒都無失望﹗但係凍左之後就無咁好食，肉開始韌了，所以緊記要趁熱食。本來諗住要幾個白飯，但係伙計話$12就有一煲細的排骨煲仔飯，就叫了一煲試試，排骨幾滑幾入味，不錯的。墨魚咀（餐牌上叫做「天下第一咀」）又係一味好期待的菜，但唔似燒肉咁，依個菜又點兒失望。墨魚咀炸得香脆不油，而且椒鹽味剛剛好，但內裡的墨魚咀就無想像中咁彈牙，有點太林有點失色。沙拉骨的味道調較得很好，甜和酸的味道得到平衡，但係肉質就麻麻地，有點兒太林。咸魚煎肉餅本來以為會好咸，但一啲都唔係，唔駛送飯都得。咸魚味唔係太重，味道只屬一般，但勝在炸得乾身。椒鹽九肚魚則做得非常出色，裡面嫩滑無比，外面就炸
雖然成條街有幾個舖位，但星期六晚全部滿座，好彩七個人等左大約五分鐘就有位了。唻之前已經大概決定左要啲咩，再臨時加多幾樣，叫下叫下叫左八個餸。
期等已久的燒肉先上，睇落去真係好靚仔呢。咬落去更不得了︰個皮很香脆，肉就非常鬆化，而且肥瘦適中，一啲唔會覺得太肥太漏。燒肉係微暖的，而且淋了鼓油，感覺好似煮過咁，比一般的燒肉不同，一點兒都無失望﹗但係凍左之後就無咁好食，肉開始韌了，所以緊記要趁熱食。
本來諗住要幾個白飯，但係伙計話$12就有一煲細的排骨煲仔飯，就叫了一煲試試，排骨幾滑幾入味，不錯的。墨魚咀（餐牌上叫做「天下第一咀」）又係一味好期待的菜，但唔似燒肉咁，依個菜又點兒失望。墨魚咀炸得香脆不油，而且椒鹽味剛剛好，但內裡的墨魚咀就無想像中咁彈牙，有點太林有點失色。沙拉骨的味道調較得很好，甜和酸的味道得到平衡，但係肉質就麻麻地，有點兒太林。
咸魚煎肉餅本來以為會好咸，但一啲都唔係，唔駛送飯都得。咸魚味唔係太重，味道只屬一般，但勝在炸得乾身。椒鹽九肚魚則做得非常出色，裡面嫩滑無比，外面就炸得乾身鬆脆，再次證明師傅的功力，尤其係炸野，係不錯的。老頭亦對此味大讚不絕。
蒜蓉炒白菜膽炒得不錯，但白菜非常之林，近乎爛的地步。有人覺得奇怪，有人就覺得特別得唻唔錯，總之就有點兒與別不同。最後要了一個小炒王，即係韭菜花同埋蝦乾魚乾仔等炒埋一齊。韭菜花本身非常爽甜，但蝦乾魚乾都好少。同埋小弟較喜愛乾身的，此味有點太濕，唔太合心意。
很滿此的一餐，因為好明顯師傅的功力好深厚，而且鐘意佢啲餸全部都唔太咸，唔駛送飯都無問題。
又多了一個理由唻深水埗了。
張貼
