The Chippy (恆隆銀行大廈) (已結業)

尖沙咀Granville food square匯聚了各國嘅美食，而且開張已有一段時間，今日同朋友行開尖沙咀決定嚟一探究竟。我哋今次揀咗係由英國過嚟嘅地道炸魚薯條。聽講呢間位於英國嘅總店非常有名，深受當地人歡迎。炸鱈魚薯條12oz一上枱就已經比佢個份量嚇親，成隻手臂咁長嘅鱈魚柳炸到金黃香脆，內裏嘅魚肉依然保持鮮嫩，可能係因為用咗鱈魚，肉質更為結實，唔會話一切開就散晒。除咗經典嘅他他醬同茄汁之外，仲有三款各具風味嘅秘製醬汁，分別係咖喱醬、青豆醬同牛肉醬。個人比較喜歡咖哩醬，香而不辣，青豆醬唔係個個人識欣賞，但絕對無草青味嘅感覺。雞肉蘑菇批個批外層係酥皮整成，切開有豐富嘅蘑菇同雞肉，有啲似巨型版嘅雞批，夠晒飽肚。飲品方面試咗兩隻英國當地嘅汽水，一隻係雜莓味，而另一隻就係菠蘿西柚味，飲落都幾fruity夏天飲夠晒清爽。餐牌中更標明所有食材100%由英國入口，夠晒正宗正統。