潮福蒸氣石鍋 (已結業)

又好味又抵食嘅蒸氣火煱想食海鮮，揾間任飲任食嘅蒸氣火煱先！潮福個套餐真係好正，一開始有燉湯，乳鴨送，又包左好多海鮮，而且其餘食物都係任叫任點任飲！燉湯有兩款選擇，兩款都叫左，夠熱夠味，而且冇咩味精，乳鴨一流，炸得剛剛好，好滑身，然後就黎全部海鮮啦！花甲，桂花蚝都夠大隻，蒸一陣就食得，都吾使落什麼醬汁都已經好鮮甜，另外象拔蚌同聖子都好彈牙，爽口，好味呀！仲有大大隻龍蝦，夠晒份量，蒸完即刻食，wow~ 新鮮，陣龍蝦味一流！最後仲叫左龍躉件，好嫩滑，都好鐘意食。任點食物方面，有雜菜，各款蝦丸牛肉丸墨魚丸等，仲有勁好味嘅豬頸肉呀，我食左好多，又吾硬，好爽口，正！ 飲料果汁都係任飲，冇得輸呀！