阿堂魚湯 (已結業)

經過見新開，下午茶$38個炸豬扒魚湯烏冬連飲品，都ok就試下啦~ 外賣+$2，跟餐蒸餾水。等左一陣，見有個外賣出，心諗：“咁大份，唔係我嘅……” 點知真係我嘅我叫個烏冬跟水啫，用咁多膠好唔環保喎！返公司打開，似模似樣，食落都可以。豬扒大大塊，炸到好鬆化，但係塊豬扒依然juicy。湯底係魚湯，非常濃郁，飲晒D湯都無口渴感覺，應該無/好少味精。烏冬係偏身烏冬，唔太“林”，最鐘意係佢上面配菜，木耳絲，椰菜絲同海帶，好好味。$38黎講真係抵可以再encore，但係如果叫外賣，下次都係自己帶餐盒…… 或者叫佢湯同烏冬裝埋一齊。