意大利佬 (已結業)

其實舊舖已經好好味，估唔到而家重開！老闆去過意大利學廚，佢話芝士火鍋用左四種高級芝士加白酒炮製，由於我同老婆都好鍾意食芝士，所以特別叫老闆整濃d, 老闆完全無託手掙，真係超濃，並非出面連鎖店嘅淡而無咩芝士味的火鍋可比，同尖咀名店相比亦各有千秋，元朗鍾意食芝士的朋友有福了！老闆話好少人食到我哋食嘅咁濃，當然鍾意食淡d亦無問題，加埋佢即席烹調的一級靚配料（麵包、蝴蝶粉、牛柳、大蝦等），同芝士超夾，完全無懈可擊，四百多元二人飽飽的套餐非常合理，因為太滿足另外點了一支意大利白酒！老闆嘅心機同誠意真係滿分，會再來！一人廚房辛苦了，小店加油！