BEP Vietnamese Kitchen 越灶 (已結業)

12點去同朋友到K11 Musea逛逛，見呢間唔多人就試試。點咗「香煎墨魚餅」- 粉唔多，幾真材實料，都幾好味，不過$86覺得有少少貴。「越式蟹肉粉卷」- 個皮好薄好滑，仲配扎肉魚餅，份量又大，不錯呀！「河內蕃茄蟹檬 」- 蟹肉，鮮蝦丸，豬肉，海鮮濃湯。其實從未食過越南蕃茄檬，所以無得比較，蟹同蝦丸都好好味，又勁蕃茄，個海鮮湯俾我成碗清哂，超級好味，食完又無覺得口渴，👍🏻👍🏻！除咗d嘢好食，d waiter waitress 仲好好禮貌，d位又闊落，約朋友食飯吹水嘅好地方。