日本野 (已結業)

我哋嗌咗六七款壽司，整體質素都唔錯，價錢好合理。帆立貝壽司帆立貝相當大隻，亦都好厚身，新鮮爽甜。蟹棒壽司呢款蟹棒壽司入貨唔錯，口感同味道都係屬於好嗰啲嚟嘅。甜蝦壽司一件壽司有兩隻甜蝦，都係屬於比較大隻嘅。燒牛舌串燒來講我就最鍾意食燒牛舌嘅，無論港式定係日式串燒，我呢排都會帶燒牛舌試吓，呢度嘅牛舌都OK，火候啱啱好，仲好嫩滑。鰻魚炒飯鰻魚炒飯相當大碟，我哋兩個人都食淨咗少少，個炒飯配埋個鰻魚醬汁，有少少甜都幾夾㗎。炒雜菜晚餐套餐重可以加個雜菜，份量都係相當大份，啱晒我點都要食少少蔬菜。