影片
更多
2013-10-28
895 瀏覽
因為上次食過覺得唔錯, 所以琴日同成班親戚又訂左畔溪尚粵館, 幫爺爺擺兩圍壽宴~今次因為人多, 所以訂左房, 而且之前叫經理幫我地寫左菜。菜單如下:．原盅花旗參蝦皇餃 (位上) 味濃, 蝦彈牙．江南六小碟 -大紅豬件 -脆皮燒肉 -爽脆海哲 -佛山燻蹄 -滬江素鵝．西蘭花帶子蚌片 ．竹笙蛋白雞茸燕窩羹(位上) ．鹽燒大連鮑魚 ．馳名粉絲蝦煲 ．清蒸沙巴龍躉 ．脆皮炸子雞 ．腊味糯米包 ．長壽伊麵 ．紫蕃薯壽包 ．綠茶芒之戀 ．環球鮮果拼盆 1. 原盅花旗參蝦皇餃呢盅蝦餃皇好特別呀, 睇到菜單都好期待~佢係用d好濃既花旗參湯, 浸住好大隻蝦餃!比起平時食點心既蝦餃大隻好多, d餡都好足, 好多蝦!仲有幾片花旗參, 用來做starter好fresh 2. 江南六小碟之前來都有食過畔溪既燒味, 真係幾得!今次都同上次一樣, 樣樣都唔錯~3. 西蘭花帶子蚌片好足料呀呢碟! 雖然唔係咩特別菜式, 但都做得幾好~4. 竹笙蛋白雞茸燕窩羹(位上)依家大部分酒樓都轉左唔食翅, 今次就食燕窩羹!我地都覺得仲正佢好多燕窩,
所以琴日同成班親戚又訂左畔溪尚粵館, 幫爺爺擺兩圍壽宴~
今次因為人多, 所以訂左房, 而且之前叫經理幫我地寫左菜。
菜單如下:
．原盅花旗參蝦皇餃 (位上) 味濃, 蝦彈牙
．江南六小碟
-大紅豬件
-脆皮燒肉
-爽脆海哲
-佛山燻蹄
-滬江素鵝
．西蘭花帶子蚌片
．竹笙蛋白雞茸燕窩羹(位上)
．鹽燒大連鮑魚
．馳名粉絲蝦煲
．清蒸沙巴龍躉
．脆皮炸子雞
．腊味糯米包
．長壽伊麵
．紫蕃薯壽包
．綠茶芒之戀
．環球鮮果拼盆
1. 原盅花旗參蝦皇餃
呢盅蝦餃皇好特別呀, 睇到菜單都好期待~佢係用d好濃既花旗參湯, 浸住好大隻蝦餃!
比起平時食點心既蝦餃大隻好多, d餡都好足, 好多蝦!
仲有幾片花旗參, 用來做starter好fresh
2. 江南六小碟
之前來都有食過畔溪既燒味, 真係幾得!
今次都同上次一樣, 樣樣都唔錯~
3. 西蘭花帶子蚌片
好足料呀呢碟! 雖然唔係咩特別菜式, 但都做得幾好~4. 竹笙蛋白雞茸燕窩羹(位上)
依家大部分酒樓都轉左唔食翅, 今次就食燕窩羹!我地都覺得仲正
佢好多燕窩, 而且用新鮮雞拆肉, 正!
5. 鹽燒大連鮑魚
第一次食呢種煮法, 原來鮑魚用來燒係咁好味!!估唔到仲係好腍, 又好夠味~
下次大家都可以試下呢個!
6. 馳名粉絲蝦煲
呢個一向係畔溪出名既, 不過今次要左蝦唔要蟹~
佢d粉絲好乾身, 而且蝦夠爽, 果然係馳名
7. 清蒸沙巴龍躉
條魚蒸得時間剛好, 好滑
8. 脆皮炸子雞
炸子雞最緊要皮脆肉嫩, 佢完全做到~9. 腊味糯米包
呢個又係好特別呀! 佢用左好似魚翅餃個d皮, 入面包住d生炒糯米飯!超正呀, d飯夠乾身, 粒粒分明, 而且好多料呢~ (有蝦米,腊腸等)
10. 長壽伊麵
正正常常, 入味既伊麵
11. 紫蕃薯壽包
比傳統蓮蓉無咁甜, 而且流沙既!不過個人喜好鍾意傳統個隻多d~
親戚朋友就大部份都鍾意呢個, 話夠健康
12. 綠茶芒之戀
呢個係綠茶味既糯米皮, 入面包於新鮮芒果第一次係酒樓食到咁特別既甜品~
雖然呢個時候d芒果有d酸
13. 環球鮮果拼盆
無論味道, 賣相, 創新度等...整體都好好!
之前睇好多人彈呢度既服務差, 但我今次既經驗又唔覺得有傳言中咁差wo
可能有d個別事件啦~
我同親戚們都好滿意!
張貼
