Extra Virgin (已結業)

今日去左extra virgin 度食lunch, 之前已經嚟過幾次，不過都無寫。想推介佢嘅原因係因為extra virgin 真係又平又好食又大碟。但都有不足之處，就係坐位好迫，等位都耐耐地，同埋最重要係覺得佢啲餐具好污糟，去過幾次佢啲叉都會痴住啲乾咗嘅食物同汁，好嘔心。但唔計呢樣嘢，佢食物嘅質數同性價比係高嘅。我今日食咗意式燉牛肉配意粉，佢個汁夠香濃，個牛都忟得淋，但就唔係好夠入味，唯有個汁搭救。意粉佢就不嬲都煮得好食，啱啱好！朋友點咗蕃茄汁燈籠腸大通粉，哩個比牛肉嗰個好食，份量亦都好多。值得一食！