小肥羊 (已結業)

上星期六同屋企人去荃灣小肥羊食下午茶，大、中、小點都係$6.8，真係好抵~大大碗蒙羊米線/羔羊米線都係只係$6.8~我地叫左燒賣、荳苗餃、羊肉春卷、黑椒羊肉酥...共15樣點心，同埋一碗米線，計埋茶芥(每位$6)及加一，都只係$153~我媽媽好鍾意個綿花雞同埋雞，因為依家好多酒樓都唔用魚肚，而改用豬肚的了~~ 今日星期六剛好唔駛返工，心思思，又到小肥羊食，今次就去左飲早茶~原本想試下佢\$2.8的「懷舊大包」，不過我9am去到已經沽清... >.<早茶茶錢平一d，每人只係$4，又有特價盅頭飯($3.8)，五個人食到好飽都係$138!~ ^__^不過服務生就唔係個個都咁好，有一d好helpful、主動幫你，但有一d侍應生真係勁唔helpful，問到都唔睬你...下午茶可以拿籌等位，但早茶要好似快餐\店咁自己搵位...我搵唔到位，又唔知邊d桌就快埋單，請一個侍應生幫我搵位，佢\竟然叫我自己搵...要叫部長幫手，先至順利搵到位...不過有d侍應生就真係好好，會主動幫忙~唯一唔滿意係好多桌布中央都有洞，唔知係咪因為晚上打邊爐燒穿了... =.=\"